اعرفي انك من بداية خطوبتك راح تكون كل الانظار متجهه لك ياعروس فنحن في مجتمعنا نشبه العروس بالاميره ويجب ان تكون كالاميرة في ذوقها وادبها واخلاقها واهتمامها بنفسها
فالعروس عندنا شيئ مقدس وانتي يجب ان تكوني كذلك فان حصل وان رأيتي أميرة ماذا تعملين بالتاكيد راح تراقبيها تراقبي حركاتها وتصرفاتها وراح تنتقديها لو ظهر منها شيئ مخالف للذوقفأنتي يالعروس كذلك كل الأنظار حولك تراقبك وتنتقد تصرفاتك اذا ظهر منك مايعيب:
فكيف تكوني أميرة زوجك:
كيف تستعدي لأستقبال عريسك وتكوني اجمل عروس بنظر زوجك:
نصايح لكي في فترة الخطوبة:_اظهري الأدب والاحترام عند خطيبك فهذي النقطة التالية من اهتمامات الرجل بعد الشكل العام للعروس وغالبآ أدب البنت هو مايجبر الرجل على الأرتباط بها.
_احترمي زوجك واظهري له ولاهله كل احترام واذا زارك بالايام الاولى للخطوبه اجلسي جلسه محترمه.
( وحده انتقدت قريبتها الي اختلت بخطيبها بعد حفل الخطوبه وكانت جالسه على الكرسي ونازله لتحت جلستها المعتاده لمن تشوف التلفزيون وكأنها جالسه لحالها وكأن خطيبها مو جنبها وأول مره تشوفه.
_
لاتسلمي نفسك لخطيبك حتى لو كان مكتوب كتابكم مهما كان ماتدرين يمكن تشوفين منه مساوئ في فترة الخطوبه او هو يشوف منك شي مايعجبه وتضطرين تكملين معه الزواج وأنتي مو رغبانه فيه لأنك سلمتيه نفسك.
_وكمان تفقدي هيبة لليلة الدخلة ومتعتها ويصير كل شي بهذي الليلة مافية ذيك المتعه وعادي وراح تخسري متعة الشوق واللهفة._لاتجل
سي كثير مع خطيبك لانك بكذا راح تخسري لهفته عليكي بلليلة الدخله.
ولاحظت هذي الايام كثير من البنات تشوف خطيبها كثير وتطلع معاه وحتى ان بعضهم لازم تشوف خطيبها كل يوم وتروح معاه السوق وتشتري معاه ملابسها للفرح حتى الملابس الداخلية وقمصان النوم اهي كذا تكون احرقت المافجئه واصبح كل شي ماله متعه._اعرف عروس متاثرة با الافلام الاجنبيه لدرجت ان كل الي يعملوه العرسان هي تعمله ولمن جت تختار فستان الفرح راحت معه واختارته وحتى التسريحه وقميص النوم ولمن جاء بزواجهم كان كل شي عادي مافيه اي مفاجئه له كل شي كان بارد منها ومن زوجها وتقول لمن يقولون لي ياعروس مااحس بمعنى هذي الكلمة( هذا كلامها ).
( قديما كان هناك لهفة وشوق للعروس ولكن بدت تندثر هذي الاشايء وهذا بسبب العادات الاجنبيه الي احرقت كل شي عندنا حلو وجميل وحتى مشاعر الفرح واللهفة والشوق )._في فترة الخطوبة لو طلب منك تكلمي احد اقارب زوجك بالهاتف او جلستي مع وحده من قريباته مثل اخته او امه تكلمي معهم بهدوء وبخجل واخفضي صوتك لجل ياخذوا عنك انطباع جميل ومحترم._تحرصي بالكلام الي بتقوليه ولاتثقي كل الثقة بنقل الاسرار لهم لجل ماينقل لاحد من اهل زوجك ويعمل لك مشاكل..
